D'oh!!!

D'oh!!!
Добро: По барање на Светската здравствена организација во Британија се спроведува програмата "Пет на ден" чија цел е децата да се поттикнат да јадат најмалку 5 порции овошје и зеленчук на ден. Лошо: децата сметаат дека кечапот и шпагетите влегуваат во категоријата зеленчук.

10% од испитаните Британци на возраст од 8 до 15 години, сметаат дека чипсовите, лебот и кечапот се бројат како дел од петте порции овошје и зеленчук. Додека третина од нив во оваа категорија ги вклучуваат печениот компир и тестенините.

Околу 4% сметале дека јаболката не се бројат како дел од "5 на ден", третина ги отфрлиле конзервираните патлиџани а 25% сметаат дека во оваа програма не влегуваат и замрзнатиот грашок и овошните каши. Децата од Средна Англија два пати почесто го вклучувале кечапот во зеленчуците.

"Страшно е што децата имаат такви заблуди околу храната. Се повеќе деца и возрасни се свесни за важноста на петте дневни оброци со овошје и зеленчук. Меѓутоа треба да им се помогне да разберат што влегува во тоа а што не," објаснуваат од Британската асоцијација за исхрана.