Пронајдена мумија стара повеќе од 3000 години

Пронајдена мумија стара повеќе од 3000 години





Британските археолози откриле мумија стара повеќе од 3000 години на врховен египетски свештеник во Долината на кралевите покрај Луксор, објавила во агенцијата Мена.

Се работи за мумија на врховниот свештеник Сенефер од времето на 18-тата династија (1550-1292 пред Христа), а е откриена од група на археолози од универзитетот во Кембриџ. "Мумијата е пронајдена во гробот 99 во Долината на кралевите", објавила египетската агенција Мена.

Врховниот свештеник се сметал за еден од најважните личности во египетското кралство.

Во текот на ископувањето пронајдени се уште неколку мумии, вклучувајќи една со тумор на мозокот како и едно дете.

Долината на кралевите е користена како место за закопување на фараони, нивните семејства и високи функционери од египетското кралство. Сместена е западно од Луксор, околу 450 километри јужно од Каиро, и годишно привлекува милиони туристи.