Се бараат доброволци за патување на Марс

Европската вселенска агенција (ESA) бара доброволци кои би се вклучиле за симулацијата за патување на Марс во која шест членови од посадата би поминале 17 месеци во изолирано окружување.

Пробните астронаути ќе живеат и работат во серија поврзани модули во Институтот за биомедицински проблеми во Москва.

Кога вратата позади нив ќе се затвори единствен контакт со посадата од надворешниот свет ќе биде преку радио врска со реално задоцнување од 40 минути. Симулациското летало ќе има простор од 550 метри, односно како девет камионски цистерни.

За овој експиримент на ЕСА ќе и требаат најмалку 12 здрави и мотивирани доброволци во добата помеѓу 25 и 50 години и со висина до 185 цм.

Целта на ова истражување е запознавање со човековото однесување и групната динамика во услови со кои астронаутите би се соочиле во своето патување на Марс.

Членовите на пробната посада ќе бидат изложени на сите непријатности при патувањето (недостаток на простор, тешка работа, недостаток на приватност, ограничен избор на храна и сл), освен со зрачење и безтежинска состојба.

Исто така ќе поминат низ низа сценарија како што се симулација на лансирање, патување од 250 дена, излегување на површината на Марс, односно враќање на Земјата.

Стручните лица проценуваат дека мисијата на Марс би траела најмалку 500 дена.

За овој експиримент на ЕСА ќе и требаат најмалку 12 здрави и мотовирани доброволци помеѓу 25 и 50 години и не повисоки од 185 цм. Кандидатите зависни од пушење, алкохол или дрога не влегуваат во експириментот.

Предност ќе имаат личности кои добро знаат англиски и руски јазик. Платата за оваа работа ќе биде 120 евра на ден.